Kryetari i Grupit Parlamentar të Partisë Socialiste, Taulant Balla mori pjesë ditën e sotme në një drekë që Kisha Katolike Shën Piu i Dhjetë në Elbasan organizoi për pacientët e Spitalit Psikiatrik të Elbasanit.
Përmes një postimi në “Facebook´´, Balla shkruan se u bashkua drekës që Kisha Katolike kishte organizuar për rreth 100 pacientë të Spitalit Psikiatrik dhe shtoi se nuk ka kuptim më të bukur festa e Krishtlindjeve sesa të kujdesesh për njerëzit në nevojë.
Postimi i plotë:
“Ju bashkova drekës që Kisha Katolike Shën Piu i Dhjetë në Elbasan organizoi sot për rreth 100 pacientë të Spitalit Psikiatrik të Elbasanit. Nuk ka kuptim më të bukur festa e Krishtlindjes sesa të kujdesesh për njerëzit në nevojë. “Por, ashtu siç dëshironi që t’ju bëjnë ju njerëzit, po adhtu bëni ju me ta”, shkruhet në Bibël.
Gëzuar Krishtlindjet”, shkruan Balla.